Во организација на Конзулатот на Република Србија во Република Македонија, и почестниот конзул, г-нот Силјан Мицевски, во четврток во 20 часот во изложбениот салот на Магазата ќе биде отворена изложба на слики на четириесетина ликовни уметници кои се родени или, се школувале во Белград.

Овој несекојдневен културен настан е во рамките на Деновите на српската култура во Република Македонија што претставува продолжеток на оваа културна манифестација.

Воден од традицијата на Битола, која од памтивек се вреднувала како град на културата, во која престојувале видни културни дејци, почесниот конзул на Република Србија во Македонија, еминентниот битолски граѓанин Силјан Мицевски, организира изложба на дела на врвни ликовни творци кои се родени или се школувале во Белград.

Оваа манифестација која беше празник за очите, посебно за вљубениците во ликовната уметност и културата воопшто, ја отвори српскиот амбасадор Зоран Поповиќ во четвртокот вечерта во битолската “Магаза”.

Изложбата е продолжение од културната манифе-стација “Денови на српската култура во Битола”, кои во последните два-три месеца битолската културна сцена ја збогатија со врвни настани.

“Акто 3 фестивал за современи уметности” се одржа во Битола во периодот од 12.08.2008 година до 17.08.2008 година.

На Фестивалот учествуваа над 70 уметници од различни области со свои дела, кои воедно и беа присутни за целото времетраење на Фестивалот.

По повод 90-годишнината од пробивањето на Солунскиот фронт (1915-1918), деновиве во битолскиот театар се одржа свечена академија. На свеченоста се истакна дека Првата светска војна во чии рамки бил и Солунскиот фронт, била најжестоката рововска битка во историјата. Притоа, само на споменатиот фронт загинале над 32.000 српски војници, дел во Албанија, дел на Крф во Грција,а голема бројка на Кајмакчалан во Македонија.

“Ова е организирано со пиетет, за да се сетиме на жртвите кои паднаа на браникот на татковината. Но, и порака, војни веќе да не се случуваат, да биде мир”, беше истакнато на свечената академија.

Свечената академија беше организирана од Националниот совет на Србите во Македонија и почесниот Конзул на Република Србија во Република Македонија, господинот Силјан Мицевски.

Годинава се положи цвеќе и на ср-пските гробишта во Битола, а на при-годните манифестации кои продолжија во текот на денот присуствуваа и српскиот амбасадор во Македонија, Зоран Поповиќ и конзулот на Република Србија во Битола, Силјан Мицевски.

Во повеќе наврати досега битолската културна јавност имаше можност да проследи најразлични културни збиднувања на гости од Република Србија, кои на некој начин повторно ги отворија традициона-лните врати на културата, кога Битола и битолчани, со висок сенс за убавото и квалитетното имаа можност да видат што другите не можеа ниту да си го замислат.

Значи и овојпат, и тоа откако гос-подинот Силјан Мицевски е назначен за почесен конзул на Република Србија во Република Македонија, односно веднаш по отворањето на Српскиот конзулат во Битола.

А со “Метар и пол до Цезар”, која, всушност, ја видовме, благодарејќи му на почесниот конзул на Републи-ка Србија во Република Македонија, господинот Силјан Мицевски, завр-шија и “Деновите на културата на Србите во Македонија”, кои започнаа на 6-ти во Скопје, и траеја до 9-ти октомври, а завршија, како што носи редот, во Битола.

Никогаш повеќе да не се повторат воени трагедии. Оваа порака посебно треба да ја слушнат некои млади генераци кои испишуваат кукасти крстови по училиштата, фасадите и на други јавни места. Оваа војна треба да биде опомена за сите, дека идината е во мирот и соживотот, истакна Силјан Мицевски, српски конзул во Битола.

Со положување на цвеќе на Српските воени гробишта во Битола, на достоен начин беше одбележана 90-годишнината од завршетокот на една од најкрвавите војни во историјата на човештвото, Првата светска војна. Чествувањето беше одржано на Српските воени гробишта, затоа што илјадници војници загинаа на боиштата, од кои едни од најжестоките беа во рамките на Солунскиот фронт, кој минуваше токму во Битолскиот регион.