Силјан Мицевски, генералниот менаџер на Градежното претпријатие “Пелистер” од Битола и актуелен српски конзул во Македонија, во времето кога беше градоначалник на Битола, бил верен пријател на најголемата културна манифестација на градот под Пелистер, односно на “Малиот битолски Монматар”.

Поранешниот битолски градоначалник несебично го помагалДетското ликовно студио “Св.Кирил и Методиј”, кое со години ја организира ликовната колонија и ги собира на едно место младите ликовни таленти од целиот свет.

По девет години од вака изградената пријателска врска, формирачот на студиото и “Монмартр”, Коста Хаџи Антоновски одлучи да му се оддолжи на овој наш голем битолчанец и филантроп, со изработка на ДВД, посветено токму нему, на Мицевски, како мало потсетување на деновите кога го помагал студиото. Промотивниот материјал беше промовиран викендов во Битола пред очите на многумина вљубеници во детската ликовна уметност.

ПРВАТА ИЗЛОЖБА ВО БИТОЛА НА ЃУРИЌ Е ВО ОРГАНИЗАЦИЈА НА КОНЗУЛОТ НА РЕПУБЛИКА СРБИЈА ВО РЕПУБЛИКА МАКЕДОНИЈА, Н.Е. СИЛЈАН МИЦЕВСКИ

Деновиве, меѓу битолчани присутен беше и ликовниот уметник од Велика Плана, Република Србија, Стојан Ѓуриќ. Тој е тука само затоа што конзулатот на Република Србија во Република Македонија, односно Н.Е. господинот Силјан Мицевски го овозможе неговиот престој како човек вљубеник, меѓу другото и во ликовната уметност, па како таков постојано ги помага културните манифестации кои се случуваат во Битола, но и Република Македонија, а посебно кога во нив учествуваат еминентни имиња од Република Србија.

Инаку, Стојан Ѓуриќ живее и работи во Велика Плана и Белград. Тој своите додипломски и постдипломски студии ги завршува на Факултетот за ликовна уметност во Белград, и член е на Друштво на ликовни уметници на Србија. Воедно Ѓуриќ има излагано на над двеста колективни изложби во Србија, Европа и светот, а е и учесник на повеќе ликовни колонии. Неговите дела се наоѓаат во бројни ликовни колекции во Србија, Европа и светот.

Триесет ученици, кои редовно го посетуваа наставниот курс по српски јазик во Битола, се здобија со соодветни сертификати. Курсот, што започна во декември минатата година, траеше шест месеци, а на него со солидно знаење се стекнаа повеќемина деца на училишна возраст од Битола кои се од српско потекло. Наставата беше во организација на Српскиот конзулат во Битола и Заедницата на Србите во Македонија.

Целта на овој ентузијастички потфат беше младите, кои имаат срспки корени, а живеат во Битола, да не го заборават мајчиниот јазик. Ова беше прв ваков проект за воннаставно изучување на српски јазик, откако пред 18 години со осамостојувањето на Македонија во училиштата таквиот предмет беше повлечен од наставната програма.

Филмофилите го паметат по култните остварувања на филмовите: „Кој тоа таму пее“, „Маратоците го трчаат последниот круг“, „Давител против давител“, „Како сум систематски уништен од идиот“, „Манастирска ракија“ и други. Неговото присуство, а во рамките на Интернационалниот фесивал на филмската камера „Браќа Манаки“ го овозможи меѓу другото, конзулатот на Република Србија во Република Македонија, Н.Е. господинот Силјан Мицевски, за да заaедно со битолчани ги подели импресиите од фестивалот, но и од периодот кога за филмот како уметност се даваше многу пари.

„Проблем на овие наши мали земји е тоа што пазарот се намали за филмови и повеќе не постојат вистински начин да се повратат вложените средства. С# зависи од тоа колку државата е подготвена да издвои пари. Ако сакате големи филмови, тоа не може без големи средства. Некој сака да снима историски спактакли со битки и други работи, тоа не може да се има без повеќе милиони евра. Ми се чини дека би било подобро да се ориентираме кон некои продукции со релативно помал буџет, и тие износи да се лимитираат на помали суми, но на повеќе проекти“, истакна Слободан Шијан, култниот режисер на српскиот филм.

Неговата екселенција, г-нот Силјан Мицевски е радосен што може да помогне во секој поглед.

„Јас се радувам што тука меѓу битолчани е култниот филмски режисер Слободан Шијан, чии филмови постојано побудуваат интерес и желба за гледање. Тој е тука со нас да ги сподели импресиите од престојот во Битола и присуството на Интернационалниот фестивал на филмската камера „Браќа Манаки“, истакна, Н.Е. господинот Силјан Мицевски.

Меѓународниот научен симпозиум на тема „Српскиот конзулат и конзулска Битола“, што викендов се одржа во градот под Пелистер, уште еднаш ги потврди цврсто изградените пријателски односи меѓу македонскиот и српскиот народ. Двајцата најповикани српски претствници во државата, амбасадорот Зоран Поповиќ и конзулот Силјан Мицевски, нагласија дека современието не може да ги наруши добро воспоставените врски кои традиционално и во континуитет се граделе низ вековите.

„Мислам дека не само што не може да ги наруши, туку не постојат ни сериозни проблеми кои би ја довеле во прашање традиционалната врска и соработка меѓу Македонија и Србија, и секако меѓу Битола и Србија. Проблеми секогаш има, но тоа се животни дневни работи кои се случуваат во меѓусебите односи на сите земји. Според тоа, немаме никакви сериозни проблеми кои би можеле да ја доведат во прашање соработката помеѓу двете земји“, изјави амбасадорот Поповиќ.

Со преку четиридецениска ангажираност како во театар, така и на филм и телевизиски серии, Јелисавета Сека Саблиќ е една од врвните актерки на поранешните југословенски простори. Ги има освоено речиси сите релевантни награди, меѓу кои, и престижната награда “Жанка Стокиќ” која се доделува на актер кој го има одбележано театарскиот и филмскиот живот во Србија.

Нејзина најомилена улога во која до израз доаѓа сета нејзина творечка зрелост, е улогата за животот на оперската дива Марија Калас. ивал театарскиот така и Со маестрална изведба во претставата “Мастер клас Марија Калас”, минатата недела го отвори 11-от по ред Интернационален фестивал на монодрама во Битола. Нејзиното доаѓање меѓу биточани го овозможи конзулатот на Република Србија во Република Македонија, односно конзулот Н.Е.