Српскиот конзулат во Битола со печатењето на зборникот трудови “Српскиот конзулат и конзулска Битола” овозможи да се дознае како се третирало македонското прашање во записите на битолските конзули од пред еден век. Зборникот е значајно дело, кој, врз основа на аргументи и оригинални записи, говорат за битолската историја, а со тоа, и за македонската од славниот конзулски период.

Книгата ги содржи трудовите на познатите истражувачи и историчари од Македонија, Србија и регионот, кои првично ги презентираа документите на научниот симпозиум за конзулска Битола организиран од Српскиот конзулат минатата година.

Триесет и пет научни трудови беа презентирани на третиот меѓународен собир на тема “Битола и македонско-српските културни односи и врски” во организација на Српскиот конзулат во Битола.

Видни академици, доктори на науки, магистри и истражувачи зедоа учество во третиот по ред меѓународен научен собир на тема “Битола и македонско-српските културни односи и врски” што деновиве се одржа во конзулска Битола во организација на Српскиот почесен конзулат.

Во рамките на третиот меѓународен научен собир на тема: “Македонско-српските културни врски”, поместена беше и изложба на ликовни дела на младите српски ликовни амбасадори кои создавале на годинешното издание, во рамките на Детското ликовно студио, “Малиот битолски Монмартр” во Битола.

Основачот Коста Хаџи Антоновски изрази голема благодарност до конзулот Силјан Мицевски за неговата поддршка и исклучителен придонес во афирмација на малите ликовни амбасадори.

Во своето 29-годишно постоење на Детското ликовно студио “Мал битолски Монмартр”, на младите учесници од Србија досега од меѓународниот конкурс и жири комисија им биле изложени 3.772 прекрасни творби, цртежи кои влегуваат во збирката на гинисовите рекорди.