УМЕТНОСТА НЕ ПОЗНАВА ГРАНИЦИ
Во организација на Српскиот конзулат во Република Македонија и неговиот конзул господинот Силјан Мицевски и Ликовната колонија “Де Ниро” се одржаа три ликовни изложби на ликовни уметници од Србија, но и на наши, кои своето образование го стекнале на Ликовната академија во Белград, односно во Србија, со кои изложби, впрочем, се придонесе едно збогатување и поддршка на културната соработка меѓу двата народа.
Сето ова покажува дека Силјан Мицевски е една извонредна личност, човек кој е подготвен да помогне во сe, па дури и во културата и уметноста, да придонесе во создавањето на културниот живот не само на градот, туку на регионот, па и во Република Македонија, воопшто.
Човек којшто му дава посебен белег на градот на конзулите.
Мецосопранот Ана Синицки родена е 1983 година во Белград, во руско-македонско семејство. Добитник е на стипендија на Јејл Универзитетот од САД, каде и магистрирала, а со тоа се усовршила на програмата: “Артист Диплома”. Инаку, таа е единствената уметничка на овие простори која ја добила стипендијата на овој престижен универзитет.
Деновиве, во организација на конзулот на Република Србија во Република Македонија, господинот Силјан Мицевски, Српската заедница од нашиот град го одбележа својот празник Видовден.
На Српските воени гробишта во Битола одбележани беа 92-години од пробивот на Солунскиот фронт, а српскиот амбасадор, во име на крваво стекнатиот мир на Балканот, порача дека крајно време е ние на Балканот да се смириме, едни на други да палиме свеќи, и да положуваме венци на гробиштата на паднатите борци.
Амбасадорот на Република Србија во Македонија, Томислав Ѓурин, при минатонеделната посета на Битола, уште еднаш ги потенцираше добрите меѓусоседски односи помеѓу Македонија и Србија, нагласувајќи дека двете држави имаат заеднички предизвик - интеграција во големото европско семејство.
На Денот на помирувањето од Првата светска војна кој деновиве се чествуваше на Српските гробишта во Битола, српскиот амбасадор Томислав Ѓурин истапи со многу пофални зборови за конзулот Силјан Мицевски, велејќи дека извонредно и достоинствено ја претставува Србија, а притоа водејќи и грижа за српската заедница кај нас.