2010

УМЕТНОСТА НЕ ПОЗНАВА ГРАНИЦИ

NASTANI - 2010 - 7.0Во организација на Српскиот конзулат во Република Македонија и неговиот конзул господинот Силјан Мицевски и Ликовната колонија “Де Ниро” се одржаа три ликовни изложби на ликовни уметници од Србија, но и на наши, кои своето образование го стекнале на Ликовната академија во Белград, односно во Србија, со кои изложби, впрочем, се придонесе едно збогатување и поддршка на културната соработка меѓу двата народа.

Сето ова покажува дека Силјан Мицевски е една извонредна личност, човек кој е подготвен да помогне во сe, па дури и во културата и уметноста, да придонесе во создавањето на културниот живот не само на градот, туку на регионот, па и во Република Македонија, воопшто.

Човек којшто му дава посебен белег на градот на конзулите.

МОЈАТА ЦЕЛ СЕ СВЕТСКИТЕ ОПЕРСКИ СЦЕНИ

NASTANI - 2010 - 9Мецосопранот Ана Синицки родена е 1983 година во Белград, во руско-македонско семејство. Добитник е на стипендија на Јејл Универзитетот од САД, каде и магистрирала, а со тоа се усовршила на програмата: “Артист Диплома”. Инаку, таа е единствената уметничка на овие простори која ја добила стипендијата на овој престижен универзитет.

За неа може да се рече дека, иако млада, има одржано бројни рецитали во САД, Италија, Србија и во други европски земји, а еве за прв пат и во Македонија, по иницијатива на српскиот конзул во Република Македонија, господинот Силјан Мицевски.

Што значи, таа го збогати Битолското културно лето “Битфест” со својот настап пред љубителите на операта. Исто така, треба да се напомене дека, покрај студиите за оперско пеење, паралелно завршила и менаџмент во уметноста.

ОДБЕЛЕЖАН ДЕНОТ ВИДОВДЕН НА СРПСКАТА ЗАЕДНИЦА ВО БИТОЛА

NASTANI - 2010 - 10.1Деновиве, во организација на конзулот на Република Србија во Република Македонија, господинот Силјан Мицевски, Српската заедница од нашиот град го одбележа својот празник Видовден.

“Битката на Косово е значаен факт за Србите воопшто, бидејќи тие покажаа јунаштво во одбраната на сопствената држава, но и му застанаа на патот на прогресот на Турската империја. На овој ден, Видовден, нема Србин кој не би се присетил на Битката на Косово, и во чест на паднатите борци на таа страшна битка да не им оддаде почит.

Што значи дека нема Србин којшто не го одбелжа овој значаен историски датум воопшто за Србија”, ни истакна господинот Силјан Мицевски, конзул на Република Србија во Република Македонија.

 

КРАЈНО ВРЕМЕ Е ДА СЕ ПОМИРАТ БАЛКАНСКИТЕ НАРОДИ

NASTANI - 2010 - 11На Српските воени гробишта во Битола одбележани беа 92-години од пробивот на Солунскиот фронт, а српскиот амбасадор, во име на крваво стекнатиот мир на Балканот, порача дека крајно време е ние на Балканот да се смириме, едни на други да палиме свеќи, и да положуваме венци на гробиштата на паднатите борци.

Денес сме сите заедно на една поинаква историска задача, на зачувување слободна и просперитетна Европа и Балканот во неа.

 

МАКЕДОНИЈА И СРБИЈА ИМААТ ОДЛИЧНИ МЕЃУСЕБНИ РЕЛАЦИИ

NASTANI - 2010 - 12Амбасадорот на Република Србија во Македонија, Томислав Ѓурин, при минатонеделната посета на Битола, уште еднаш ги потенцираше добрите меѓусоседски односи помеѓу Македонија и Србија, нагласувајќи дека двете држави имаат заеднички предизвик - интеграција во големото европско семејство.
 
Тој ја нагласи одличната соработка помеѓу властите на Србија и Македонија.

 

 

КОНЗУЛОТ СИЛЈАН МИЦЕВСКИ ВОДИ ДОСТОИНСТВЕНА ГРИЖА ЗА СРПСКАТА ЗАЕДНИЦА

NASTANI - 2010 - 13.1На Денот на помирувањето од Првата светска војна кој деновиве се чествуваше на Српските гробишта во Битола, српскиот амбасадор Томислав Ѓурин истапи со многу пофални зборови за конзулот Силјан Мицевски, велејќи дека извонредно и достоинствено ја претставува Србија, а притоа водејќи и грижа за српската заедница кај нас.