2012

МАКЕДОНИЈА И СРБИЈА ТРЕБА ЗАЕДНИЧКИ ДА НАСТАПУВААТ КОН ЕВРОПА, И ВО ЕКОНОМИЈАТА И ВО ПОЛИТИКАТА

NASTANI - 2012 - 17.2Со богата културна уметничка програма во организација на Конзулатот на Република Србија и Министерството за труд, вработување и социјална политика на Србија во хотелот “Епинал” во Битола се одржа културно - уметничка вечер со која заврши официјалниот дел од посетата на српската делегација по повод одбележувањето на денот на примирјето на крајот на првата светска војна.

Српскиот конзул во Битола Н.Е. Силјан Мицевски нагласува дека одбележувањето на Денот на примирјето е чин важен за двата пријателски народи.

“На честувањето дојдоа поголем број гости од Белград пред се кадетите од Воената академија и Полициската академија. Тоа се млади луѓе кои допрва треба да осознаат и за Македонија и за тоа што се случувало на овие простори. Сигурно дека крајот на Првата светска војна донесе многу жртви и тоа е една поука пред се за генерациите кои доаѓаат, да разберат дека војните ништо добро не можат да донесат. Напротив, после секоја војна се седнува на маса и се потпишува договор за на тој начин да завршат тие војни и маките на луѓето кои се засегнати. Тоа се случи на 11-ти ноември пред 96 години. По повод тој ден и во знак на едно сеќавање на паднатите невини борци кои го дадоа својот живот секоја година традиционално го одбележуваме и затоа имаме и едно дружење со Српската заедница и гостите кои се дојдени на чествување”, вели Мицевски.

Конзулот нагласува дека Србите во Македонија преку својот однос придонесуваат за добробитта на Македонија.

“Има доста Срби кои живеат во Битола. Тие се лојални граѓани на оваа држава. Застапени се во Парламентот. Имаат свој претставник и тие се рамноправни граѓани како сите останати во оваа држава”, вели Мицевски.

КУЛТУРНИТЕ ВРСКИ СЕ НАЈСИЛНИ

NASTANI - 2012 - 16Со вклучување на српскиот конзул, Н.Е. Силјан Мицевски, во Интернационалниот фестивал на аматерски документарен филм кој се одржува во Битола, фестивалот доби и еден вид професионален карактер иако станува збор за фестивал на аматерски документарен филм, кој е посветен на камерата 300, затоа што, покрај тоа што учество зеле многу значајни српски автори, на негова покана во Битола беше и професионалниот режисер, сценарист и продуцент Недељко Деспотовиќ од Белград. Што јасно говори дека нема манифестација во градот на конзулите во која не е вклучен и српскиот конзул во Република Македонија, Н.Е. Силјан Мицевски, а сe со единствена цел затоа што филмот е многу значајна уметност на современото време и се наметнува потребата, децата од најрана возраст да се едуцираат за филмот.

“Ова е прилика да се видиме со колегите од Македонија и регионот, да размениме мислења и да ги зацврстиме врските кои се најсилни од било што, а тоа се културните врски”, истакна сценаристот, режисерот и продуцент Недељко Деспотовиќ од Белград, Србија.

КОНЗУЛОТ СИЛЈАН МИЦЕВСКИ ПОЛОЖИ ВЕНЕЦ НА МЕМОРИЈАЛНИТЕ ФРАНЦУСКИ ГРОБИШТА

NASTANI - 2012 - 15.1На Француските гробишта во Битола и на Германските гробишта во Прилеп, минатата сабота се одбележа Денот на народната жалост, по повод годишнината од крајот на Првата светска војна.

На оваа француско-германска церемонија, посебно беше истакнато значењето на помирувањето и пријателството помеѓу Франција и Германија, а почесниот конзул на Србија, Н.Е. Силјан Мицевски, положи венец и се поклони на меморијалните Француски гробишта.

94 ГОДИНИ ОД КРАЈОТ НА ПРВАТА СВЕТСКА ВОЈНА

NASTANI - 2012 - 14.2На Српските воени гробишта во Битола на 11-ти номеври, поточно на Денот на народната жалост, беа одбележани 94 години од завршувањето на Првата светска војна (1914 - 1918).

Церемонијата значеше симболично помирување на народите кои војуваа во Првата светска војна. Но, се оддаде и почит на српските војници кои се погребани на воените гробишта во Битола. Настанот го организираа Владите на Македонија и Србија, а присуствуваа амбасадори, воени аташеа, српскиот конзул Силјан Мицевски, францускиот конзул Калиопа Кривашија, како и грчкиот и бугарскиот конзул, потоа министри, кадети и други гости. На церемонијата присуствуваше и државниот секретар на Министерството за труд и социјална поликтика Негован Станковиќ, кој порача дека на гробиштата почиваат млади генерации на кои не им беше дадено да живеат во мир, да создадат семејства и да добијат потомство, во спокој да ја дочекаат староста. Силјан Мицевски нагласи дека ова не е прво помирување организирано на 11-ти ноември, туку дека тоа се чествува редовно во последните години.

ПРОМОВИРАНА КНИГАТА “ЗАПИСИ ЗА ЗЛОСРЕЌИ” ВО БИТОЛА

NASTANI - 2012 - 13.1Српскиот конзул, Н.Е. Силјан Мицевски, заедно со Заедницата на Србите од Битола несебично помогнаа во издавањето на новата книга “Записи за злосреќи” на битолскиот хроничар проф.д-р Александар Стерјовски. Делото е составен дел од циклусот “Битолско десеткнижие” од кои дел книги се веќе издадени, а други во подготовка. И нивното печатење ќе го помогне конзулот, Н.Е. Мицевски.

“Стерјовски е наш битолски најплоден писател. Ме импресионира бидејќи обработува интересни теми за Битола. Кога слушнав што има подготвено за печатење, кај мене немаше двоумење, прифатив да бидам комплетно спонзор на неговото дело и во рекордно време делото се подготви и отпечати. Тој има и други подготвени материјали, му ја понудив мојата помош бидејќи сметам дека на тие луѓе што се трудат да прават нешто за градот, тоа треба да остане во траен спомен за генерациите”, изјави Н.Е. конзулот Мицевски.

ЗАВЕТОТ НА СТАРИТЕ ВОЈНИЦИ ВО РАЦЕТЕ НА КОНЗУЛОТ СИЛЈАН МИЦЕВСКИ

NASTANI - 2012 - 12.1Сојузот на потомци на срспките војници од 1912 до 1920 година деновиве го посетија Српскиот конзулат во Битола и одблиску се запознаа со богатата активност на конзулот, Н.Е. Силјан Мицевски. Средбата беше остварена за време на тридневната посета на Македонија од страна на српскиот претседател Томислав Николиќ и неговата делегација. За време на посетата, по повод одбележувањето на 100-годишнината од Кумановската и Битолската бит-ка, Сојузот на потомци на српските војници на конзулот, Н.Е Силјан Мицевски, му врачи документ, таканаречен, “Завет на старите војници”.

Конзулот Н.Е. Силјан Мицевски изјави дека врачениот “Завет” за него претставува голема работа, зашто е даден со голема љубов и од потомци на лица кои го дале својот живот за доброто на сите балкански народи. Тој пак им ги подари четирите зборници кои конзулатот ги има објавено од презентираните трудови на четирите научни собири одржани во изминатите години на тема култура и историја на македонскиот и српскиот народ.

“Тоа што го работам, го работам отсрце, колку што можам. Досега имаме резултати за она што го работиме. Оваа година издаден е четвртиот зборник од научните симпозиуми кои ги одржуваме секоја година. На последниот собир имавме 65 реферати и 63 излагачи, од кои повеќето од ни се доктори на науки, академици и историчари кои знаат што се случувало на овие простори”, изјави Мицевски.