2012

КОНЗУЛОТ СИЛЈАН МИЦЕВСКИ НА СРЕДБА СО СРПСКИОТ ПРЕТСЕДАТЕЛ ТОМИСЛАВ НИКОЛИЌ

NASTANI - 2012 - 11.1Српскиот претседател Томислав Николиќ, при тридневната посета на Македонија, се сретна и со српскиот конзул во Битола, Н.Е. Силјан Мицевски. Обајцата изразија задоволство од досегашната соработка, како и уверување дека и понатаму ќе продолжат да дејствуваат во поврзувањето на двата пријателски народи.

“Србија отвора ново поглавје во односите со Македонија. Не постои ништо што н# дели, постои само она што нe поврзува, а тоа е заедничкото минато, и тоа што во иднина можеме заедно да направиме, и за Македонија, и за Србија. Нашата посета, како на прва држава од поранешните членки на Југославија, е знак дека Србија сака со Македонија да биде добар пријател и сосед”, изјави Николиќ.

На средбата српскиот конзул во Битола, Н.Е. Силјан Мицевски, го информира српскиот претседател за бројните активности кои досега ги има преземено ова конзуларно претставништво и лично тој за јакнење на соработката меѓу Македонија и Србија, и на образовен, и на културен план.

“Нашата цел е да изградиме уште повеќе мостови на пријателство меѓу двете земји, а тоа го правиме преку изложбите, размената на театарските претстави, научните симпозиуми на кои настапуваат македонски и српски уметници и научници и ред други активности кои ја збогатуваат и ја јакнат постојаната соработка. Слободно можам да речам дека од отворањето на Конзулатот во Битола, па с# до денес сите активности придонесоа за поголема соработка меѓу Србите и Македонците не само во Македонија, туку и надвор од неа”, изјави Мицевски.

КОНЗУЛОТ СИЛЈАН МИЦЕВСКИ ГИ ЈАКНЕ ВРСКИТЕ МЕЃУ МАКЕДОНИЈА И СРБИЈА

NASTANI - 2012 - 10.1Од печат излезе Зборникот “Битола-тема за културно и уметничко творештво”, во кој се поместени 60-на трудови од еминентни македонски и српски автори кои учествуваа на научниот симпозиум кој се одржа во октомври минатата година. Издавач на зборникот е Конзулатот на Република Србија во Битола, кој воедно го организираше и научниот собир на оваа тема. Ова е четврти по ред зборник посветен на историјата на македонско-српските односи во организација на ова конзуларно претставништво и по иницијатива на српскиот конзул Н.Е м-р Силјан Мицевски.

“Промоцијата на четвртиот зборник е исполнување на ветувањето кое го дадовме пред одржувањето на научниот собир дека сите трудови ќе ги сублимираме и ќе ги отпечатиме во зборник со 500 страници, во 500 примероци. Овој зборник сигурно ќе најде свое место по библиотеките, амбасадите и кај сите луѓе кои сакаат нешто повеќе да научат за соработката меѓу Србија и Македонија”, изјави конзулот Мицевски.

“Ова е значаен проект за културната соработка меѓу Македонија и Србија, пре-ку него можеме да посветиме внимание на она што го работат научниците, интелектуалците од двете држави. Тие со својот придонес ги промовираат и ги унапредуваат односите меѓу нашите традиционално пријателски земји”, изјави заменик амбасадорката Душанка Дивјак - Томиќ.

ОРИГИНАЛНА ИЗЛОЖБА НА КЕРАМИЧКИ ДЕЛА ОД СРПСКИ АВТОРИ

NASTANI - 2012 - 9.3Ретроспективна изложба на керамичките уметнички дела на српските автори создадени низ 40-годишното постоење на Ресенската керамичка колонија деновиве беше отворена во битолската “Магаза”. Оваа изложба беше организирана по повод 40-годишното постоење на колонијата и плодната соработка со уметниците од Република Србија. Ова несекојдневно културно доживување го организираше Српскиот конзулат во Битола и српскиот конзул, Н.Е. м-р Силјан Мицевски. Во рамките на изложбата претставени беа дела на 55 српски врвни уметници и керамичари кои низ годините оставиле дел од својата духовност, креативност и занаетчиска вештина на Ресенската колонија.

“Само на 16 километри од Битола, во Ресен, имаме толкаво културно богатство кое може да се вброи меѓу осумте светски колонии. Во тие дела кои се вреднувани толку високо, највисоко место имаат српските автори. Затоа, без двоумење, стапив во контакт со раководителот на колонијата кој прифати и максимално се ангажира да ја направиме оваа изложба и да можеме да уживаме во делата на српските керамичари”, изјави конзулот, Н.Е м-р Силјан Мицевски.

Изложбата за отворена ја прогласи заменик амбасадорката на Република Србија во Република Македонија, Душанка Дивјак - Томиќ.

“Ова е грандиозен саем на убавината и креативноста. Оваа изложба е тек низ 40-годишното постоење на керамичката колонија во Ресен. Оваа колонија е многу позната во светот, далеку надвор од гра-ниците на Македонија. Нам ни е чест што е посветено внимание посебно на српските уметници кои создавале низ годините и ги оставале своите дела во збирката на колонијата”, изјави Дивјак - Томиќ.

ПРЕКУ СЕЌАВАЊА НА ВОЈНАТА ДА ГО СЛАВИМЕ МИРОТ!

NASTANI - 2012 - 8.1Во организација на Конзулатот на Република Србија во Република Македонија и почесниот конзул на Р.Србија во Р.Македонија, Н.Е господинот Силјан Мицевски, а во присуство на амбасадорот на Република Србија во Република Македонија, Н.Е Томислав Ѓурин, општинска делегација, делегација на борци од НОБ, почесните конзули на Р.Македонија, Националниот совет на Србите во Р.Македонија, претставници на Српското друштво во Битола, претставници на Заедницата на Србите во Македонија со седиште во Битола, претставници на Здружението на воените доброволци 1912-1918, нивните потомци и почитувачи од Белград, Р.Србија, делегација на адвокатската комора од Р.Србија, Здружението на воените доброволци од Смедерево, Здружението на потомците од Ковињ, Здружението за заштита на српските споменици и други, на 15-ти септември, на Српските воени гробишта во Битола се одржа комеморација посветена на 94-годишнината од пробивот на Солунскиот фронт и крајот на Првата светска војна.

“На сите присутни кои се денес тука, многу им е јасно колку е значаен денешниот ден. За оние кои паднаа за слободата на овие наши простори, а уште повеќе за младите, како порака дека војните ништо добро не носат, туку само сеат зло на просторите каде се водат. Ние традиционално го одбележуваме овој значаен ден, за да се потсетиме на паднатите борци, вклучени во пробивот на Солунскиот фронт. Србија даде најмногу жртви, сразмерно на своето население и во тој период немаше куќа каде не се вееше црното знаме. Од тие причини овој ден за нас е доста значаен и сакаме да им ја дадеме нашата должна почит на луѓето кои паднаа за слободата на овие простори”, изјави конзулот на Р.Србија во Р.Македонија, господинот Силјан Мицевски.

СРПСКИТЕ ВОЕНИ ГРОБИШТА - СПОМЕНИЦИ НА ПРВАТА СВЕТСКА ВОЈНА

NASTANI - 2012 - 7Во Битолскиот регион на повеќе места изградени се гробишта за српските загинати војници од Првата светска војна и подигнати се меморијали кои денес служат не само како историски споменици, туку и како мостови за поблиски пријателски врски меѓу Македонија и Србија.

На боиштата во Битолскиот регион во периодот на Првата светска војна загинале 3.200 српски војници и офицери. Посмртните останки на голем број од загинатите собрани се во Српските воени гробишта во Битола. Тие се наоѓаат во јужниот дел од градот како продолжение на Буковските - православни гробишта. На нив подигнати се одделни надгробни споменици од метал со иста форма и големина, како и заеднички споменик за загинатите војници од 1912-1918 година со Спомен - костурница.

Денес гробишта на српската војска кои постојат во Битолско се места кои потсетуваат на минатото, испраќаат пораки војните да не се повторат и служат за зацврстување на соработката меѓу македонскиот и српскиот народ. Во организација на Српскиот конзулат во Битола, и конзулот Силјан Мицевски, на овие локации редовно се одржуваат чествувања на позначани датуми од Првата светска војна.

СРПСКИОТ КОНЗУЛ СИЛЈАН МИЦЕВСКИ ГИ ПРОДЛАБОЧУВА КУЛТУРНИТЕ ВРСКИ СО СРБИЈА

NASTANI - 2012 - 6На приемот кај почесниот конзул на Република Србија во Република Македонија, неговата екселенција господинот Силјан Мицевски, на гостинката, етнолог и музејски советник во Народниот музеј во Пожаревац, Даница Џокиќ & ја претстави идејата околу проектот: “Српска куќа”, кој ќе претставува мини музеј за претставување на српската култура, но и заедничките врски меѓу двата народа. Поддржувајќи ја реализацијата на овој проект, музејскиот советник Џокиќ ќе се заложи максимално со својот личен придонес во реализација на оваа идеја.

“Јас сум многу почестена од поканата на српскиот конзул во Република Македонија, неговата екселенција господинот Силјан Мицевски. Тој има една фантастична идеја, а тоа е да се претстави српската култура и врските кои постоеле меѓу Битола и Србија, така што се надевам дека соработката ќе ја продолжиме. Јас колку што можам ќе придонесам во реализацијата на оваа идеја, а тоа е да се опреми една “Српска куќа”, во која ќе се претстават културните врски и спецификите. Мислам дека тоа е одличен начин да се претстави културата на една земја, и јас му сум благодарна што на тој начин ја претставува српската култура во Република Македонија”, изјави Џокиќ.

Со реализацијата на проектот “Српска куќа”, предвиден со програмата за културна соработка меѓу Македонија и Србија ќе се потврдат и онака одличните односи во областа на културата меѓу двете земји и особено соработката на институциите.

“Денешниот разговор, по моја оценка, е доста плоден затоа што во програмата на Српскиот конзулат е и изградба на една “Српска куќа” и се разбира за нејзината изградба потребни се одредени подготовки, за да би можело да се изготви квалитетен проект. Со оглед на тоа што во таа куќа е замислено еден поголем простор да претставува еден мини музеј, мислам дека во тој правец нивната помош би била огромна и јас се надевам дека заеднички би можеле да направиме едно добро место каде посетителите ќе можат да погледнат и дел од историјата поврзана со Македонија и Србија. Времето е пред нас, идејата е ставена на маса, па сега очекуваме во наредниот период и реализација на овој план”, н# информира неговата екселенција, почесниот конзул на Република Србија во Република Македонија, господинот Силјан Мицевски.